't Grolse Knunneke 2021

Vorst & President GROLS CARNAVAL GEET E n jullie hooft hier niks anders veur te doon dan thuus te blie- ven, op 1,5 meter van de koel- kaste te gaon zitt’n, 1,5 meter max anders kom ie d’r neet meer bi’j, in ow elleboog te lachen en dat doot de meesten al bi’j zo alderbastend strak- ke bak van Mark Ebbers, ow hapjes te bestellen bi’j ow favoriete restaurant en online ow gewenste outfit bi’j el- kaar te sjatteren. Bun daor ok loyaal en koop lokaal want, noo kan ut nog. Ut Grolse carnaval geet digitaal on- line. En den stap is neet zo groot veur ons Grolsen. Wi’j hebt met ons Grolse dialect sowieso al onze eigen taal en met de carnaval zit wi’j altied al op 1 lijn. En natuurlijk hebt wi’j ok e-dacht an een Grolse Protestmars, met alle optochtdeelnemmers en praalwagens in optocht naor Den Haag. Maor Den Haag vonden wi’j toch te wiet weg veur onze loopgroepen. En wat mo’j dan… Achter de schermen bunt de Knun- nekes hard an ut wark om veur jullie een fantastisch carnavalsprogramma in mekare te stoeken. Een program- ma waor ie nog ens terugge kunt kieken en denken an volle biezun- dere momenten. Natuurlijk komt d’r ok een hoop ni’je dingen veurbi’j. Dus hol de sociale media good in de smiezen en daor heb ie noo toch tied zat veur. Disse keere mag ie de mobiel wal andoon. Starker nog ut mag zelfs de laptop, ipad of Smart TV wen, want anders mis ie ut hele programma. Ok de jeugd van onze Stad geet creatief an de slag en geet prach- tige creatieve carnavaleske creaties maken over ut Grolse carnaval. Wat ut geet wodd’n is veur ons ok ne grote verrassing maor disse collectie met carnavalsstukken bunt straks te bewonderen in een expositie “Knun- nekunsten” in diverse etalages van ut GOV in ut hart van de Stad. Wi’j denkt een mooie anvulling op onze Snoete- roete en hiermet ku’j straks mooi ne SnoeteroeteRoete stiefelen met de prachtigste roetesnoeten. En met de Dree Dolle Dagen dan? Wi’j hebt op onze Knunnekes Spotify lieste veur meer dan 11 uur onver- valste Grolse carnavalsschlagers en Tröntjes staon. Doo ow carnavalsklof an en vier ons Grolse carnaval in huuselijke kring en digitaal met ow carnavalsmaoten onder ut motto: Blief zo völle meugelijk thuus tot ut Assekruus. Tip! A’j naor ut toilet gaot effen de zoommeeting uutzetten. Ie kriegt nao 5 consumpties via Knun- nekes Untapped een digitale Rosen- montags of Tulpendinsdag Dweil- button. Corona van de tap telt neet met trouwens en nao lang beraod is de Groep 4-us positief bevonden en gelukkig too e laoten tot ut carnaval. Wi’j holt neet van negativiteit. Das een positieve Grolse eigenschap. En een rondje geven met de carnaval kan nog steeds. Ie zet gewoon een Greune Knalpot of Koude Pijp bi’j de leu veur de deure dee ie geerne een rondje wilt geven. Dan veult ut net as of ie an ut Dweilen bunt. Ghettoblas- ter op de nekke met ut Knunnekes Dweilorkest of de Knolle d’r op en daor gao’j. En zo zal d’r nog wal meer zinnige on- zin wodd’n bedacht deur ons Grolsen want, Grols carnaval geet altied deur. Tot bi’j de glasbak, statiegeldmachi- ne of de viskaore op Aswoensdag! Grolle Alaaf you, Altied! President Maarten Kooiker Vorst Miquel Porskamp Bi’j ut leazen van de kop zeet wi’j bi’j ow de frons op ut snajem. Mooie gekken, jullie bunt allemaole oetverkoren um getuuge en onderdeel te wen van ut meest memorabele carnavalsseizoen in de geschiedenis van ons Grolse carnaval. (En dat van de Knunnekes in ut biezunder. Noot TH) ALTIED DEUR ! Ik heb een zandloper figuur met extra minuten! 5 - ‘t Grolse Knunneke 2021