2017

Wi’j

Prins Harrie, van nuchtere Beltrumse loch naor baldäödige Grolse wind
Van reclame-goochemerd tot blaadjesmaker
Veurganger van de hoedelclub, trök ViaVia deur het carnaval
Trotsen Lion den een zwak hef veur het goeie doel­

En

Adjudant René, telg van de Kollewey-klan en pionier op de Hartreize
Van wereldreiziger tot betwetter in pompen of verzoepen
Leedjesmaker van de BOF
Herintreder bi’j de Grol 45+ en wielrenner an het elastiek

Verordonneert en maakt bekend dat:

Ten eersten
Doo dat maor ‘ns nao: veur de eerste keer op ‘t Prinsenbal en gelieke Prins.

Ten tweeden
Lechtenveurde hef ons wál wat goods ebracht.

Ten darden
Ze bunt in de gemeenteraod van Oost Gelre vake de weg kwiet. Daor hebt wi’j op ons hoedel ok wal ‘ns last van. Maor dat kost ons gin twee ton.

Ten veerden
ViaVia en de BOF mot het met de grote carnavalsoptocht zonder ons doon. Valt ze zeker in de prieze.

Ten viefden
Met de komst van het Brouwersnös hef de Gemeente Oost Gelre d’r ne zorgcentrum bi’j.

Ten zesden
Dee Knunnekes hebt ons maor mooi op ezadeld met ne zesde pronkzitting. Past die oet Beltrum en Eefsele d’r ok weer in. Zoals het heurt.

Ten zeuvenden
In de Grolse Veste koop ie het beste. Ie hooft het neet WIET weg te halen.

Ten achtsten
De Slag um de Grolsch is beslist. Noo is het saké da’w gin lauw bier kriegt.

Ten negenden
‘t Kunstgras op Den Elshof kan mooi blieven liggen. Grol geet immers veur een rookvri’j sportpark.

Ten tienden
Dee Pietendiscussie mot ‘ns een keer afelopen wen. Het bunt gewoon Nederlanders met als migratieachtergrond Spanje. Net als onzen opa.

Ten elfden
De Grolse wielerclub hef de wind vol in de rugge. Van al dat onmundege gehoedel krieg iej alderbastende dorst. Doarumme is ons motto

VOL IN DE BEUGELS

Aldus op’emaakt in de veste Grol, vri’jdag 18 november 2016.
Knunnekes Alaaf!