2026

Proclamatie

Wi’j,

Stadsprins Ivo II (Tenten)

Zönne van André en Marian, en breurken van Bas.
Groot e’worden tussen de Stadsprinsen an de Jan Steenstraote en oet-evlaogen via de Reurlseweg naor de Bleeke.
Gek met mien Wendy, en trotse va van Dex en Siep.
Van belastingen bi’j BASF, tot Veurzitter en spreekstalmeister van de Geile Garde. En van razende reporter van de Grol, tot trotse trainer van de sterren van het G-team.

en

Adjudant Dave (klein Gunnewiek),

Ook wal bekend als “De Shave”.
Zönne van Bennie witt’n Gunnewiek en Annie Lensink en breurken van Masja.
Op e-greuit in de Callixtusstraote, en via de Koperslager, de Kerkstraote, en Marhulzenweg, an de Olde Winterswiekseweg terecht e-kommen.
Keerl van grote liefde Ela en trotse va van Scot en Vik.
Adviseur in het financieren van Steentjes, in Grolle, Beltrum, Eibargen, Reurle en zelfs in de Kei. Lid van de Geile Garde en Penningmeester van de trotste Garde van de Knunnekes.

Verordonneert en maakt bekend dat:

Ten eerste

Endeluks is het dan zo wiet! De Geile Garde regeert oaver Grolle. Maor dat de rest van dee noffels überhaupt e-dacht heft ook een kans te maken is ons een raadsel, want hierveur hebt ze natuurlijk wal de twee knapsten e-vraogd!!

Ten theede

Wi’j bunt beide theedrinkers, en jao ze zegt wal eens “Thee is veur zeke leu”, maor kiek: ook dee wordt dus gewoon Prins en Adjudant!

Ten darden

De Natte Nekjes dee hadden het al lang in de smiezen. Want daor steet e heur “Jazeker, de Hypotheker!!”.

Ten veerden

Bommelwereld is een onmundigen verrijking, veur ons mooie Grolle, maor wi´j maakt ons wal zorgen om Marveld. Straks he’w alleen nog maor Huuskes, wi’j pleit voor völle meer Tenten!!

Ten viefden

Veurig jaor trok mien veurganger Dirk, mien lootjen als allerletste bi’j De Lange Gang, en dus zat ik kats achterin de zale met de buutaovond. Maor da’k dit jaor samen met miene Adjudant in de VIP lounge mag zitten tussen dee elf mooie muiters, dat hadden wi’j natuurlijk nooit durven dromen!

Ten zesden

11 jaor en 11 maonden lang is onzen zeer geliefden burgermoeder mevrouw BRONSvoort, GOLD weerd geweest veur Grolle. Wat nen gemiste kans van de Knunnekes: zee, had mooi, in ’t KOPPER e-kunt!

Ten zeuvenden

Het is een jaorlijks hoogtepunt veur ‘t G-team van de s.v. Grol. Voetballen op carnavalszaoterdag, met de Stadsprins en Adjudant van Grolle. Wi’j kunt jullie verzekeren, dit seizoen wordt elke wekke een hoogtepunt!

Ten achtsten

Wat bun ik ontzettend trots, dat ik 22 jaor nao mien schoonvader Stadsprins Gerard de tweede, noo samen met Stadsprins Ivo de tweede, over het mooie Grolle mag regeren! Rekken d’r op dat ook wi’j blieft plakken!

Ten negenden

Onderdeur of der aoverhen, Gemeente Ooste Gelre, kom noo ens aover de brugge met dat geld. Maak ons alderbastend blej, richting 750 jaor Grolle.

Ten tienden

Carnaval wordt dit jaor veur ons een extra drukke tied, uutrusten hoo maor. Want ie wilt neet wetten, hoe drok ‘t altied wordt nao de carnaval, bi’j mej op het wark, as half Grolle het nus weer onder ‘n boom hef liggen!

Ten elfden

At ze met de Geile Garde noo nog neet met gaot doon met de optocht, dan zal het wal nooit meer wat worden, maor wi’j zult Grolle hoe dan ook eens flink opkloppen!

En dit alles doot wi’j onder ons motto:
KATS DE KLUTS KWIET!!!

GROLLE ALAAF!!!

Aldus opgemaakt in de Veste Grol, 14 november 2025