Tweede jeugd 2016

Wi-j,

Veerde Tweedejeugdprins Fons den Tweeden,

Geboren in Grolle an de Greuneweg, zunne van Ugo en Mina,

Getrouwd met de Grolse Maria en super trotse grootvader van Dante en Dario,

Van originele Grolse stadsgids tot humorvolle buutreedner

Van Ciao a tutti tot do het heanig an!

en

Veerde Tweedejeugdadjudant Frans,

Geboren in Grolle an den Eibargseweg, zunne van Adjen en Marie,

Getrouwd met de Lechtenvoordse Marianne en heerser oaver den Oosteresch,

Super trotse grootvader van Derek, Krijn, Harm, Annabel, Sieb, Seth en Sterre,

Van verwekker tot beschermheer van de wetholder van Oost Gelre,

Ridder van tennis- en kegelbaan tot plafond gigant op eenzame hoogte

Verordoneert en maakt bekend dat:

Ten eersten:

Den Achterhook wal kan vergri-jzen, moar neet in Grolle. Doar wilt de jongeren graag wèzen. Jong en old viert samen carnaval met völle of weinig klamotten, dat hebt wi-j onze kinderen met de papleppel in’egotten.

Ten tweeden:

Dit joar goa’w met de karmisse in en um de tente, op de Markt en in de café’s ons pilsjen pakken. Grolle is dan één groot evenemententerrein met éne munt, dan wet i-j dai-j ne echten Grolsen bunt!

Ten daarden:

Grolle is zo mooi geworden. Het is een echte sprookjesstad! Rondje gracht lopen, zwemmen en schaatsen. Dat kan alleen in Grolle. Dus loat het moar duftig vreezen, zodat er dit joar ok ‘n grachtentocht op de schaats mag wezen!

Ten veerden:

Heel Grol had lol met de Slag om Grol. Wi-j hebt het no nog in de butte! Wat was dat ‘n prachtig evenement. In 2015 is Oost Gelre gin evenementengemeente ‘eworden, moar met Fons en Frans hebt wi-j in 2016 zeker ne kans.

Ten viefden:

Dat wi-j volgend joar met de Karnavalsmisse in onze basiliek endeleks op de preakstoel mag stoan. Dat hef onze zegen!

Ten zesden:

Dat het dit joar met de Karmisse dreuge mag weazen. Daarumme haalt wi-j op tied alle barometers oet Lechtenvoorde. Dan kunt ze dee neet meer op regen zetten.
Ten zeuvenden:

Wi-j doot neet aan de lijn. Wie bunt niks te dikke, moar ‘n halven meter te klein. Dus mocht er argens ne gehaktbal word’n e’getten, dan wilt wi-j dat heel geerne wetten.
Ten achtsten:

Dat er op disse weerld moar 3 steden bunt; Amsterdam, Pari-js en Grolle. Lechtenvoorde is wal het mooiste dörpje. Want doar komt miene vrouwe vedan.

Ten negenden:

I-j mag allemoal vrienden met ons word’n op facebook, i-j mag met ons twitteren en ons liken, moar het leefste sprekt wi-j gewoon af op de Markt!

Ten tienden:

Dat de muziek het plafond van het City best naar beneden mag spöllen. Frank zet er zo weer een ni-j plafonnetje in.

Ten elfden:

Ten letste, moar neet minder van belang, zet de tapkraan open en het feest in gang. Regeren over de senioren kunt wi-j niet alleen daarom zegt wi-j tegen iedereen,

Het Tweede Jeugdcarnaval kan beginnen! Want Fons en Frans bunt binnen!

Doarumme is ons motto:

”Nooit te old!”

Aldus op’emaakt in de mooie veste Grol anno 2016.

Veerde Tweedejeugdprins Fons II

& Veerde Tweedejeugdadjudant Frans

Grolle Alaaf!