Jonkheer Thijmen Geurink en Jonkvrouw Naomi Nijenhuis

Zaterdagavond werden in een volle feesttent Jonkheer Thijmen Geurink en Jonkvrouw Naomi Nijenhuis gepresenteerd als de nieuwe boegbeelden van de Grolse Tönnekes, de jongerenafdeling van carnavalsvereniging De Knunnekes.

De onthulling trok honderden jonge carnavalsvierders die getuige waren van de feestelijke bekendmaking. Thijmen en Naomi regeren onder het motto: ‘Niks is ons te gek!’

Bron: streekgids.nl

Jonkheer Thijmen:
Van gezelligen preakebuul met Jan en alleman tot Kievitsei
Van kleinen bazzeroet tot Lang ende van Robbert en Susanne
Van oetkiektoren bi-j ’t Marveldmajem tot kansenafwachter in de punte van Grol A1
Van deBUUTant op de Pronkzitting tot herintreder bi-j Kroam 13
Van supporter van bi-jnoa degradatiekandidaat 020 tot Jodelbiertjes buizen an de kante bi-j Max Verstappen
Van sjoechel met ne Kei-guije tot ‘veur sjans, goa noar BOYSANS’

en

Jonkvrouw Naomi:
Trotse dochter van Stadsen Bärbel en Joël oet dat Sleppersdorp
Zuster van carnavalskind Elize en veurmalig Jeugdadjudant Juliën
Van zunne van De Kunne tot in de schemme op de dansvloer bi-j de Zwarte Cross
Van genieter van ’t mooie Grolse leaven, tot ‘altied in um wat te beleaven’
Van leefhebster van alles wat te maken hef met skiën, tot doarnoa zweten in de sportschole veur ’t wegwarken van de après-ski-calorieën
Van smulpaap van Italiaanse bikkeri-je tot dorstlesser op terrasjes met sjikkeri-je
Van lachebek tussen de Dushies tot gat in de hande veur sjieke bloesjies

Verordonneert en maakt bekend dat….

Ten Eersten:
Dat ze ons op ’t nus hebt evangen zonder da’w moar iets in de peiling hadden…wat ne bunzingactie!

Ten Tweeden:
Dat wi-j alderbastend bli-j bunt dat Maud en Luca de stap van snuffelstage-veurzitters noar de duobaan van Tönnekes-veurzitters hebt emaakt

Ten Daarden:
A’j moar wet, dat wi-j de eerste Jonkheer en Jonkvrouw op de ni-je Tönnekeslocatie bunt en no ok letterlijk de tente op kop zet.

Ten Veerden:
Dit joar ok weer dat weekend Tachtigjoarige oorlog, de Slag um Grolle
Moar eerst dissen viefdaagsen slag, met veurop ’t muzikale geweld van De Knolle

Ten Viefden:
Met de verbouwing van De Gans, met ni-jen Ganzenhoeder Mika, kriegt wi-j weer ne jofelen ontmoetingsstek, met geheid het hele joar deur ne groten Ganzentrek.

Ten Zesden:
Dat de gemeenteroad de knippe duftig trök veur Lichtenvoordse dahlia-plak-hökke, dat geleuft wi-j Grolsen allemoale wal
No vlot oaver de stadsbrugge kommen veur echte cultuur; ne groten Grolse carnavalswagen-bouwhal

Ten Zeuvenden:
Prins Jop en Adjudant Jan, jullie motto ‘Ansloet’n’ is top
Wi-j doot geerne met moar dan wal achter-ansloet’n graag, want wi-j goat als Grolse jongeren vanaf vandage veurop

Ten Achtsten:
Geniet van al dee fijne Grolse plekskes, moar maak gin zooi. Of zoas De Torenwachter dat zo treffend zei: “HOL GROLLE MOOI!”

Ten Negenden:
Op Brouwhuysen en an de Eafsele-kante bouwt ze ni-je huuze, zo holt wi-j de jongen mooi binnenboord.
Nog een betjen deurbouwen richting dat Keidorp en Lechtenvoorde heet straks gewoon ‘Grolle Noord’.

Ten Tienden:
Wi-j goat helemoal los op de Zwarte Cross, dit joar zelfs ne dag meer.
Moar da’s nog niks in vergelieking met de Grolse carnaval: Dan goa’w vief dage lang tekeer!

Ten Elfden:
Loa’w d’r met zien allen ne onvergettelijken jofelen carnaval van maken, moar…
Doo gek, doo maf, en brek ons mooie Grolle neet af!

En dat alles onder ons motto:
Niks is ons te gek!